दुम्किबासको डाईभर्सन बगाउँदा यातायात अबरुछ, कहिले बन्ला पुल

त्रिवेणी । पूर्वपश्चिम राजमार्गअन्तर्गत नवलपरासी (बर्दघाट सुस्तापूर्व) नवलपुरको दुम्किवासमा ‘डाइभर्सन’ बग्दा राजमार्ग अवरुद्ध भएको छ ।
आज बिहान आएको बाढीमा डाइभर्सन बग्दा राजमार्ग अवरुद्ध भएको जिल्ला प्रहरी कार्यालयका प्रहरी नायब उपरीक्षक मधु नेपालले राससलाई बताए । बाढी नरोकिएकाले आवागमनका निम्ति तत्काल केही गर्न सकिने अवस्था नभएको उनले बताए ।
डाइभर्सन गरिएको स्थान बाढीले बगाएपछि साना तथा यात्रुवाहक सवारीलाई होङ्सी गेट हुँदै सर्दीतर्फको बाटोबाट सञ्चालन गरिएको छ । दुम्किबासमा पुल भाचिँएपछि पुर्व पश्चिम सडक निर्माण गरिरहेको चाईना स्टेट कम्पनीले पुल निर्माण गरिरहेको छ । उक्त पुल असारको दोस्रो साता सम्म निर्माण सकिसक्ने निर्माण कम्पनीले जनाएको छ।